«Almaty-Ekaterınbýrg» tas jolynda jol apaty boldy

ASTANA. KAZINFORM – Búgin, 27 shildede saǵat 08:50-de «Almaty-Ekaterınbýrg» Respýblıkalyq mańyzy bar avtojolynyń 299 shaqyrymynda jol-kólik oqıǵasy boldy.

Almatyǵa bara jatqan «Toyota Land Cruiser 200» markaly kóliginiń júrgizýshisi rýldi basqara almaı, kólik aýdarylǵan. Polıtsııa jol-kólik oqıǵasynan eki adam qaıtys bolyp, ekeýi aýrýhanaǵa jetkizilgenin habarlady.

Osy fakt boıynsha «Kólik quralyn basqaratyn adamnyń abaısyzda eki nemese odan da kóp adamnyń ólimine ákep soqqan jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergep-tekserý bastaldy.

– Polıtsııa qyzmetkerleri apattyń mán-jaıyn jáne bolǵan oqıǵanyń sebepterin obektıvti anyqtaý úshin barlyq qajetti is-sharalardy júrgizedi, - delingen habarlamada.

Avtomashına mamandandyrylǵan turaqqa qoıyldy.

Aıta keteıik, Qazaqstanda jarty jylda jol apatynan myńǵa tarta adam kóz jumdy.