«Almaty-Ekaterınbor» trassasynda jol apatynan eki adam kóz jumdy

KÓKShETAÝ. KAZINFORM – Aqmola oblysynda «Almaty-Ekaterınbor» tas jolynyń 1347 shaqyrmynda jeńil kólik aýdarylyp, eki adam kóz jumdy.

Aqmola oblysy PD baspasóz qyzmetiniń málimetinshe, jol apaty Túrgen aýylynyń mańynda bolǵan.

«Anyqtalǵandaı, «Almaty-Ekaterınbor» tas jolynyń 1347 shaqyrmynda «Chevrolet Cobalt» kóliginiń 33 jastaǵy júrgizýshisi rýlge ıe bola almaı kólik joldyń shetindegi jyraǵa aýdarylǵan. Saldarynan kóliktiń ishinde bolǵan jolaýshylardyń ekeýi alǵan dene jaraqatynan oqıǵa ornynda qaıtys boldy. Taǵy eki jolaýshy men júrgizýshi túrli dene jaraqatymen aýrýhanaǵa tústi», - dedi vedomstvodan.

PD baspasóz qyzmetinen atap ótkendeı, qazirgi kezde, saraptama taǵaıyndalyp, sotqa deıingi tergeý amaldary qolǵa alyndy.

Aıta ketsek, jyl basynan beri oblys aýmaǵynda 15 avtokólik aýdarylyp, odan 3 adam qaza taýyp, 16 adam jaraqat alǵan.

Eske salaıyq, Aqmola oblysynda jol apatynan 5 adam kóz jumdy.