Almaty eki avtobýs soqtyǵysty: zardap shekkender bar
ALMATY. KAZINFORM – Almatyda eki qoǵamdyq kólik soqtyǵysty.
Almaty qalasy Polıtsııa departamentiniń málimetinshe, jol-kólik oqıǵasy búgin saǵat 12:00 shamasynda Áýezov aýdanynda bolǵan. №15 baǵyttaǵy avtobýstyń júrgizýshisi Súleımenov kóshesimen soltústik baǵytta kele jatyp, Jandosov kóshesiniń qıylysynda №66 baǵyttaǵy avtobýspen soqtyǵysqan.
- Ekinshi avtobýs Jandosov kóshesine solǵa burylyp, jaıaý júrginshilerdi ótkizip turǵan edi. Osy jol apatynyń saldarynan avtobýstyń birneshe jolaýshysy medıtsınalyq kómekke júgindi. Qazirgi ýaqytta Áýezov aýdandyq polıtsııa basqarmasynyń qyzmetkerleri oqıǵanyń mán-jaıyn anyqtap jatyr, - dep habarlady departamentten.
Eske salaıyq, Almaty oblysynda drondar jol erejesin buzýdyń 400-ge jýyq deregin tirkedi.
