Almaty Dúnıejúzilik týrıstik alıanstyń tolyqqandy múshesi atandy
ALMATY. KAZINFORM — 2025 jyly Almaty Dúnıejúzilik týrıstik alıansqa (World Tourism Alliance) múshe atandy.
Almaty ákimdiginiń málimetinshe, megapolıs týrızmniń turaqty damýyn qoldaýǵa baǵyttalǵan 41 elden 251 músheni biriktiretin halyqaralyq úkimettik emes uıymǵa tolyqqandy múshe boldy.
— Bul qalanyń taldamalyq derekke, bilim berý resýrsyna jáne halyqaralyq áriptestikke qol jetkizýine múmkindik beredi. WTA memlekettik qurylymdar men bıznes ókilderin jáne sarapshylar qaýymdastyǵyn biriktiredi. Uıym halyqaralyq týrızmdi damytýǵa yqpal etedi, zertteýler júrgizedi, keńes beredi jáne maman daıarlaý isimen aınalysady, sondaı-aq memlekettik jáne jeke sektor arasyndaǵy kooperatsııany nyǵaıtady, — dep habarlady ákimdikten.
Qazir Qytaıdyń Hanchjoý qalasynda WTA 2025 is-sharasy ótip jatyr. Onyń aıasynda Almatyǵa Alıans quramyna qabyldanǵanyn rastaıtyn sertıfıkat resmı túrde tabystaldy.
Eske salaıyq, buǵan deıin Almaty qalasyna World Craft City — dúnıejúzilik qolóner qalasy mártebesi resmı tabystalǵany belgili boldy.