Almaty dárigerleri naýqasqa ota jasap, ınfarktyń aldyn aldy

ALMATY. KAZINFORM – Almatynyń Ortalyq qalalyq klınıkalyq aýrýhanasyna shuǵyl túrde túsken naýqasqa tez arada ota jasalyp, onyń ómirin saqtap qaldy.

Naýqas aýrýhanaǵa kelgende elektrokardıogrammada aıqyn júrek aýrýy jáne júrek qaǵysyndaǵy buzylystardy anyqtaǵan. Naýqastyń jaǵdaıy jedel aralasýdy qajet etti. Biraq ol protsedýradan qorqyp, ol koronarografııadan birneshe ret bas tartqan. Kardıologııa bóliminiń meńgerýshisi Aına Ibragımova jaǵdaıdy túsindirgennen keıin, naýqas protsedýranyń qajettiligin túsinip, ruqsatyn berdi.

«Júrgizilgen koronarografııa barysynda tromb tirkeldi. Tromb úlken koronarlyq arterııanyń sańylaýyn tolyǵymen jaýyp, naýqastyń ómirine qaýip tóndirdi. Qan aǵynyn bógeıtin tromb ınfarktqa ákelýi múmkin. Dárigerler zardap shekken arterııadaǵy qan aǵymyn qalpyna keltirýge múmkindik beretin trombty aspıratsııalaý jáne AQAT ballondy angıoplastıkasyn júrgizý týraly sheshim qabyldady. Otany ınterventsııalyq hırýrg Marat Stambekov júrgizdi. Protsedýra sátti ótti jáne naýqastyń jaǵdaıy turaqtaldy», - dep habarlaıdy Qoǵamdyq densaýlyq saqtaý basqarmasynan.

Qazirgi ýaqytta naýqas ońaltýdan ótip, OQKA kardıologııa bóliminde emdeýdi jalǵastyryp jatyr.

Eske salaıyq, Almaty ákimi aldaǵy 3 jylda sport mektepteri jańartylatynyn aıtty.