Almaty dárigerleri kózine temir kirgen naýqastyń kórý qabiletin saqtap qaldy

ALMATY. KAZINFORM – Almatyda kózine jaraqat alǵan azamatqa sátti ota jasaldy.

Qoǵamdyq densaýlyq saqtaý basqarmasynyń málimetinshe, Ortalyq qalalyq klınıkalyq aýrýhanaǵa kózine asa qaýipti jaraqat alǵan naýqas jetkizilgen. Metall bólshegi naýqastyń kóz almasyn tesip ótip, kóz túbine deıin jetken.

- Oqıǵa kólik jóndeý barysynda bolǵan - ushyp ketken metall synyǵy tikeleı kózge tıgen. Oftalmologııa bólimshesiniń meńgerýshisi Gýlzat Abdraımova bastaǵan mamandar toby MÁMS aıasynda shuǵyl ota júrgizdi. Dárigerlerdiń kásibı biliktiliginiń arqasynda kózden bógde zat sátti alynyp, naýqastyń kórý qabileti aman qaldy, - dep habarlady vedomstvo.

Medıtsına mamandary temir jáne ózge qaýipti quraldarmen jumys isteý kezinde qorǵanysh kózildirigin qoldanýdyń mańyzyn eske saldy.

Eske salaıyq, buǵan deıin Qazaqstanda ekinshi ortalyq júrek aýystyrý otasyn endi óz betinshe jasaı alatynyn jazǵanbyz.