Almaty dárigerleri 76 jastaǵy zeınetkerge ota jasady

ALMATY. KAZINFORM – Almatynyń onkohırýrgtary qaterli isikke shaldyqqan naýqastyń ómirin saqtap qaldy.

Qoǵamdyq densaýlyq saqtaý basqarmasynyń málimetinshe, 76 jastaǵy naýqas Almaty onkologııalyq ortalyǵyna toq ishek qaterli isiginiń asqynǵan túrimen túsken. Dárigerler úshin negizgi másele aýyr júrek patologııasy bolǵan.

— Bizdiń aldymyzda suraq boldy, naýqasqa ota jasalmaǵan jaǵdaıda ólim qaýpi tóndi. Biraq hırýrgııalyq ota jasaý júrek jaǵdaıyna baılanysty óte qaýipti boldy, — dep túsindirdi onkolog Asylbek Qarjaýov.

Degenmen hırýrgter, kardıologtar jáne anestezıolog-reanımatologtardan quralǵan konsılıým ota jasaý týraly sheshim qabyldaǵan.

— Zamanaýı jabdyqtar bizge protsedýralardy barynsha dáldikpen jáne meılinshe az qan joǵaltýmen júrgizýge múmkindik beredi, bul ásirese álsiregen naýqastar úshin mańyzdy, — dedi Asylbek Qarjaýov.

Sátti otadan keıin naýqas táýlik boıy baqylaý úshin anestezıologııa jáne qarqyndy terapııa bólimine aýystyrylǵan. Eki kúnnen keıin ol turaqty jaǵdaıda jalpy palataǵa aýystyryldy. Segiz kúnnen keıin ol ambýlatorııalyq emdeýdi jalǵastyrý úshin úıine shyǵaryldy.

Eske salaıyq, otandyq ǵalymdar obyrǵa qarsy preparatty synaýdyń sheshýshi kezeńin bastady.