Almaty bıýdjetine 1,8 trln teńgeden astam salyq tústi

ALMATY. KAZINFORM – Byltyr Almaty bıýdjetine 1,8 trln teńgeden astam kiris túsken. Salyqtyń shamamen 70 paıyzy shaǵyn jáne orta kásipkerlikke tıesili.

Almaty qalasynyń Qarjy basqarmasy jergilikti bıýdjettiń kirisi qala ekonomıkasynyń qarqyndy damýynyń arqasynda aıtarlyqtaı ósim kórsetip otyrǵanyn atap ótti.

Aıta keteıik, byltyr jeltoqsan aıynda qala máslıhaty Almatynyń 2025-2027 jyldarǵa arnalǵan bıýdjetin bekitti. El tarıhynda tuńǵysh ret Almatynyń qalalyq bıýdjeti 2,2 trln teńgeden asty. Bul 2022 jyldyń basymen salystyrǵanda 2,1 ese joǵary. 

Aýdandar bıýdjeti de ósip jatyr. Máselen, fýnktsııalardy ortalyqsyzdandyrýdy eskere otyryp, Almatynyń 8 aýdanynyń bıýdjeti 2022 jylǵa qaraı 6 ese ósýmen 293,6 mlrd teńge somasynda bekitildi.

2023 jyldyń basynan beri Almaty qalasynyń ákimdigi iri ınfraqurylymdyq jobalardy iske asyrý úshin jobalyq qujattarǵa úlken daıyndyq júrgizdi.

Nátıjesinde, 2025 jyly damý bıýdjeti 2,2 esege ulǵaıyp, 458 mlrd teńgege jetti.

– Memleket basshysynyń azamattardyń ál-aýqatyn údemeli arttyrý týraly tapsyrmasyna sáıkes, Almaty bıýdjeti áleýmettik baǵdarlanýyn saqtaıdy. Bul salaǵa 2025 jyly 40%-dan astam nemese 894,3 mlrd teńge tıesili, - dep atap ótti qalalyq ákimdikten.

Buǵan deıin Almatyda jumyssyzdyq deńgeıi 4,6 paıyzǵa tómendegeni týraly jazǵan edik.