«Almaty — Bishkek» jolynda júk kólikteriniń qozǵalysyna ýaqytsha shekteý engiziledi
ALMATY. KAZINFORM — «Almaty — Bishkek» trassasynda qurylys jumystaryna baılanysty jyl sońyna deıin júk kólikteri júre almaıdy.
«QazAvtoJol» málimetinshe, 11 qyrkúıekten bastap qurylys jumystary bastalady.
Respýblıkalyq mańyzy bar «Almaty — Bishkek» avtomobıl jolynyń 25-shaqyrymynda, Qaskeleń qalasy mańynda, kólik aıryǵynyń monolıtti aralyq qurylysyn ornatý jumystaryna baılanysty iri gabarıtti jáne aýyr júk kólikteriniń qozǵalysy jyl sońyna deıin shekteledi.
Shekteý bıiktigi 4,5 metrden jáne eni 8 metrden asatyn kólik quraldaryna qatysty.
Jeńil jáne jolaýshylar kóligine, sondaı-aq belgilengen gabarıtten aspaıtyn júk kólikterine shekteýdiń qatysy joq.
— Aýyr jáne iri gabarıtti kólik júrgizýshilerine marshrýtty aldyn ala josparlap, balama baǵyttardy paıdalanýdy suraımyz, — delingen habarlamada.
Eske salsaq, «Almaty — Tóńkeris — Baıserke — Aqsaı» avtojolynyń ýchaskesinde qozǵalysqa shekteý engiziletini habarlandy.
