Almaty-Bishkek jolynda Toyota Alphard traktorǵa soqtyǵysyp, 6 adam mert boldy

ALMATY. KAZINFORM – Almaty–Bishkek avtojolynyń 81-shaqyrymynda jol apaty boldy.

Almaty oblysy Polıtsııa departamentiniń málimetinshe, Toyota Alphard avtokóligi jolda jóndeý jumystaryn júrgizip jatqan jol-paıdalaný qyzmetiniń traktoryna soqtyǵysqan. Jol-kólik oqıǵasy saldarynan jeńil kóliktiń 5 jolaýshysy men jol qyzmetiniń bir qyzmetkeri oqıǵa ornynda kóz jumdy. Júrgizýshi men taǵy bir jolaýshy túrli jaraqattarmen medıtsınalyq mekemege jetkizilgen.

Oblys polıtsııasy jol apatyna baılanysty qylmystyq is qozǵady.

- Qazirgi ýaqytta atalǵan derek boıynsha jan-jaqty tergeý jumystary júrgizilip jatyr. Oqıǵanyń barlyq mán-jaıy anyqtalyp jatyr, - dep habarlady departamentten.

Eske salaıyq, buǵan deıin Almatyda mototsıkl qaǵyp, eki jol jumysshysy mert bolǵanyn jazǵanbyz.