Almaty-Bishkek tasjolyndaǵy apat: jaraqat alǵan úndistandyq úshinshi stýdent kóz jumdy
ALMATY. KAZINFORM – Úndistannyń Astanadaǵy elshiligi Almaty – Bishkek tasjolynda bolǵan jol apatynan taǵy bir úndistandyq stýdenttiń kóz jumǵanyn habarlady.
Elshiliktiń málimetinshe, 2001 jylǵy 13 naýryzda týǵan Rahýl ıAdav 2026 jylǵy 6 qańtardan beri aýyr hálde jansaqtaý bóliminde jatqan. Búgin, 9 qańtarda tańerteń onyń qaıtys bolǵany belgili boldy.
Qazirgi ýaqytta marqumnyń máıitin tasymaldaý boıynsha uıymdastyrý jumystary júrgizilip jatyr.
– Osy apatta qaza tapqan taǵy eki úndistandyq stýdent Karan Parmar men Rıshıradj Baırattyń máıiti búgin Úndistanǵa jóneltildi. Qaıǵy jutqan otbasylarǵa shyn júrekten kóńil aıtamyz. Marqumdardyń jandary jánnatta bolsyn, - delingen habarlamada.
Eske salaıyq, buǵan deıin Almaty mańynda jantúrshigerlik jol apaty bolǵanyn jazǵanbyz.
Úndistannyń Astanadaǵy elshiliginiń habarlaýynsha, kólik ishinde Shymkenttegi Ońtústik Qazaqstan medıtsına ýnıversıtetiniń tórt stýdenti jáne Úndistannan kelgen bir týrıst bolǵan.
Olar Shymkentten Almatyǵa qaraı jol júrip bara jatqan jatqan. Eki adam oqıǵa ornynda qaza tapty, al úsheýi aýyr jaraqat alyp, jansaqtaý bóliminde em qabyldap jatqany habarlandy.
Almaty oblystyq polıtsııa departamentiniń málimetinshe, qaıǵyly oqıǵa «Almaty – Bishkek» avtojolynyń 86-shaqyrymynda bolǵan. Jol apatyna qatysty qylmystyq is tirkeldi.
Aldyn ala málimetter boıynsha, Toyota Alphard markaly avtokóliktiń 33 jastaǵy júrgizýshisi róldi basqara almaı, kólikti aýdaryp alǵan.
