Almaty — Bishkek tasjolynda kólik apatynan jeti adam qaza tapty
ALMATY. KAZINFORM — Almaty — Bishkek tasjolynda mınıven júk kóliginiń tirkemesimen soqtyǵysty.
Áleýmettik jelilerde oqıǵa ornynda túsirilgen vıdeolar tarady.
Almaty oblysy polıtsııa departamentiniń málimetinshe, jol apaty tasjoldyń 129-shaqyrymynda bolǵan. Bul derek boıynsha qylmystyq is qozǵaldy.
— Aldyn ala málimet boıynsha Honda Odissei avtokóliginiń júrgizýshisi alda qozǵalyp bara jatqan HOWO júk kóliginiń tirkemesine soqtyǵysqan. Jol apaty saldarynan jeńil avtokólikte bolǵan jeti adamnyń bári, onyń ishinde júrgizýshi de alǵan jaraqattarynan oqıǵa ornynda qaza tapty, — dep habarlady polıtsııa departamentiniń baspasóz qyzmeti.
Qazir qaıǵyly oqıǵanyń barlyq mán-jaıyn anyqtaý úshin sotqa deıingi tergeý júrgizilip jatyr.
Eske salaıyq, 2025 jylǵy 25 qarashada Almaty — Bishkek avtojolynyń 65-shaqyrymynda jol apaty bolyp, alty adam kóz jumǵanyn habarlaǵanbyz.