Almaty - Bishkek tasjolynda 6 adam jol apatynan kóz jumdy

QONAEV. KAZINFORM – Almaty oblysynda jantúrshigerlik jol apaty boldy.

Almaty oblysy polıtsııa departamentiniń málimetinshe, jol-kólik oqıǵasy Almaty – Bishkek avtojolynyń 65-shaqyrymynda bolǵan. Audi avtokóliginiń 23 jastaǵy júrgizýshisi rólge ıe bola almaı, Toyota kóligimen soqtyǵysqan.

Jol apaty saldarynan eki júrgizýshi men úsh jolaýshy alǵan jaraqattarynan oqıǵa ornynda kóz jumdy. Taǵy bir jolaýshy aýrýhanaǵa jetkizilgenimen, medıtsınalyq mekemede qaıtys boldy.

- Odan bólek bes jolaýshy túrli dene jaraqattaryn alyp, dárigerlerdiń baqylaýynda jatyr. Qazirgi ýaqytta bolǵan oqıǵanyń barlyq mán-jaıyn anyqtaý maqsatynda jan-jaqty tergeý júrgizilip jatyr. Tergeý barysy Almaty oblysy polıtsııa departamenti basshylyǵynyń erekshe baqylaýynda, - dep habarlady departamentten.

Eske salaıyq, buǵan deıin Almaty oblysynda jol apatynan eki adam mert boldy.