Almaty-Bishkek tas jolyndaǵy jol apatynan 3 adam mert boldy

QONAEV. KAZINFORM — Almaty-Bishkek tas jolynda jantúrshigerlik jol apaty boldy. Saldarynan 3 adam oqıǵa ornynda qaza tapty.

Almaty oblystyq Polıtsııa departamentinen málim etkendeı, jol apaty 10 jeltoqsan kúni saǵat 01:00-de Almaty-Bishkek avtojolynyń 136 shaqyrymynda boldy.

«Kia optima» kóliginiń 40 jastaǵy júrgizýshisi qarsy qozǵalys jolaǵyna shyǵyp, «Volvo FH» júk kóligine soǵylǵan.

— Apat saldarynan jeńil kóliktiń júrgizýshisi men onyń eki jolaýshysy sol jerde mert boldy. Túrli dene jaraqattarymen taǵy bir jolaýshy aýrýhanaǵa jetkizildi. Bul fakt boıynsha polıtsııa qyzmetkerleri sotqa deıingi tergeýdi bastady,— dep habarlady vedomstvodan.

Osyǵan deıin Almaty oblysynda jol erejesin buzǵan 167 myńnan astam adam anyqtalǵan bolatyn.

Eske salaıyq, Almaty oblysynyń negizgi kúre joldarynda 11 zamanaýı «Suńqar» apparattyq-baǵdarlamalyq kesheni iske qosyldy.