Almaty-Bishkek tas jolynda jaıaý júrginshini kólik qaǵyp ketti

QONAEV. KAZINFORM - Almaty- Bishkek tas jolynda er adamdy kólik qaǵyp, mert qyldy.

Almaty oblystyq Polıtsııa departamenti baspasóz qyzmetiniń málimetinshe, jol apaty 17 jeltoqsanǵa qaraǵan túni Almaty-Bishkek tas jolynyń 23 shaqyrymynda boldy.

- Hyundai Elantra kóliginiń júrgizýshisi joldy belgilenbegen jerden kesip ótken jaıaý júrginshini qaǵyp ketti. Jol apaty saldarynan er adam alǵan jaraqattarynan oqıǵa ornynda qaıtys boldy, - dep habarlady vedomstvodan.

Atalǵan fakti boıynsha qylmystyq is tirkeldi.

- Tergeý júrgizilip jatyr. Óńir polıtsııasy jaıaý júrginshilerdi qyraǵylyq tanytýǵa, joldy tek belgilengen oryndarda kesip ótýge jáne jol qaýipsizdigi erejeleriniń talaptaryn múltiksiz saqtaýǵa shaqyrady, - dep atap ótti oblystyq PD baspasóz qyzmeti.

Osyǵan deıin Almaty oblysynda 56 jastaǵy áıeldiń máıiti tabylǵany týraly jazǵan edik.