Almaty – Bishkek tas jolynda bolǵan jol apatynan bes adam qaza tapty

ASTANA. KAZINFORM – Almaty oblysynda jol-kólik oqıǵasy boldy, dep habarlaıdy Kazinform agenttigi.

Almaty oblysynda 21 maýsym kúni saǵat 13:00 shamasynda Almaty – Bishkek tas jolynyń 135-shaqyrymynda jol-kólik oqıǵasy boldy.

— Aldyn ala málimet boıynsha, 42 jastaǵy Mitsubishi Pajero júrgizýshisi qarsy baǵyttaǵy jolaqqa shyǵyp ketken. Saldarynan ol aldymen Toyota Highlander kóligimen, keıin DAF júk kóliginiń tirkemesimen soqtyǵysqan. Apat saldarynan Mitsubishi Pajero kóliginiń tórt jolaýshysy men Toyota Highlander kóliginiń bir jolaýshysy oqıǵa ornynda qaza tapty. Basqa jolaýshylar túrli jaraqattarmen jaqyn mańdaǵy medıtsınalyq mekemelerge jetkizildi, — dep málimdedi polıtsııa departamenti.

Atalǵan fakti boıynsha qylmystyq is qozǵalyp, qajetti tergeý sharalary júrgizilip jatyr.