Almaty botanıkalyq baǵyndaǵy oranjereıa 4 jyldan keıin qaıta jóndele bastaldy

ALMATY. KAZINFORM – Almatydaǵy Bas botanıkalyq baqta ekspozıtsııalyq oranjereıany rekonstrýktsııalaý jumystary qaıta bastaldy.

Almaty botanıkalyq baǵyndaǵy oranjereıa 4 jyldan keıin qaıta jóndele bastaldy
Foto: botsadkz / JI

Qurylys jumysy 2026 jylǵy qazanda qaıta qolǵa alynǵan. Oranjereıany tolyq jańǵyrtý jumystary 2027 jylǵy qyrkúıekte aıaqtalady dep josparlanyp otyr.

– Oranjereıany rekonstrýktsııalaý jumystarynyń qaıta bastalýyna baılanysty jobanyń qazirgi barysy týraly aqparat bóliskimiz keledi. Botanıka jáne fıtoıntrodýktsııa ınstıtýty men Ekologııa jáne tabıǵı resýrstar mınıstrliginiń birlesken kúsh-jigeriniń arqasynda 2026 jylǵy qazanda nysandy rekonstrýktsııalaýdy aıaqtaýǵa arnalǵan qurylys-montaj jumystary qaıta jandandy, – dep habarlady Bas botanıkalyq baqtyń baspasóz qyzmeti.

Qurylysqa tapsyrys berýshi – «Botanıkalyq baq dostarynyń qory» jeke qory, al merdiger uıym – «SM Trade-Construction» JShS.

Shartqa sáıkes, qurylys-montaj 11 aıǵa sozylady. Rekonstrýktsııany 2027 jylǵy qyrkúıekte aıaqtaý kózdelgen.

Botanıkalyq baq ókilderiniń aıtýynsha, jóndeý jumystary kezinde tropıkalyq jáne sýbtropıkalyq ósimdikterdiń biregeı kollektsııasyn saqtaýǵa basa mán berilip otyr.

– Palmalardy qosa alǵanda, tropıkalyq jáne sýbtropıkalyq ósimdikter kollektsııasyn saqtaýǵa erekshe kóńil bólinedi. Ósimdikterdi qolaısyz aýa raıynan qorǵaý úshin qysqy kezeńge daıyndyq júrgizildi. Atap aıtqanda, arnaıy qorǵanysh qurylymdary ornatylyp, qys boıy qajetti temperatýralyq rejımdi saqtaý qarastyrylǵan, – delingen habarlamada.

Aıta keteıik, Bas botanıkalyq baqtyń ekspozıtsııalyq oranjereıasy 1969 jyly salynǵan. Ol bes bólimnen turady: tropıkalyq, sýbtropıkalyq, jaǵalaý-sý ósimdikteri, sýkkýlentter jáne palmarıı.

Buǵan deıin Almatyda botanıkalyq baqtyń jumys kestesi ózgergenin jazdyq.