Almaty bazarynda 13 myńnan astam zańsyz ákelingen taýyq jumyrtqasy anyqtaldy
ASTANA. KAZINFORM -QR Aýyl sharýashylyǵy mınıstri Veterınarııalyq baqylaý jáne qadaǵalaý komıtetiniń Almaty qalasy boıynsha aýmaqtyq ınspektsııasy Saýda jáne tutynýshylardyń quqyqtaryn qorǵaý departamentimen jáne Qazaqstan qus ósirýshiler odaǵymen birlesip, qalanyń saýda nysandarynda veterınarııalyq qaýipsizdikti qamtamasyz etý maqsatynda kezekti reıdtik is-shara ótkizdi.
Anyqtalǵan zańsyzdyqtar men tárkileý Inspektsııa mamandary «Barys-IV» bazaryn tekserý barysynda veterınarııalyq ilespe qujattary joq, tıisti tańbalanbaǵan jáne arnaıy qaptamasyz satylymǵa shyǵarylǵan taýyq jumyrtqalaryn anyqtady.
Zańsyz aınalymnan jalpy sany 13 680 dana ónim alyndy.
Qoldanylǵan ákimshilik sharalar Qazaqstan Respýblıkasynyń Ákimshilik quqyqbuzýshylyq týraly kodeksine sáıkes hattamalar toltyrylyp, kináli tulǵalarǵa jalpy somasy 1 297 500 teńge kóleminde aıyppul salyndy.
Ónimdi joıý protsesi adam men janýarlardyń densaýlyǵyna, sondaı-aq qorshaǵan ortaǵa qaýip tóndiretin taǵam ónimderin joıý erejelerine (QR Úkimetiniń №140 qaýlysy) sáıkes, 2026 jyldyń 10 maýsymynda tárkilengen 13 680 jumyrtqa qalalyq mal qorymyndaǵy «Bekker shuńqyryna» tastalyp, bıotermııalyq ádispen konservatsııalandy.
-Aldyn alý sharalary oqıǵadan keıin kóterme jáne bólshek saýda uıymdarynyń basshylaryna veterınarııalyq-sanıtarııalyq talaptardy saqtaý boıynsha túsindirý jumystary júrgizildi. Ózge elderden zańsyz ákelingen ónimderdi satýǵa tyıym salý týraly resmı hattar joldandy,-delingen habarlamada.
Osyǵan deıin habarlaǵanymyzdaı, Shymkentte zańsyz ákelingen 11 myńnan astam jumyrtqa joıyldy.
