Almaty balabaqshasyndaǵy oqıǵa: balalardyń ata-anasy jazaǵa tartylýy múmkin
ALMATY. KAZINFORM – Almatydaǵy balabaqshalardyń birinde búldirshindi uryp-soqqan balalardyń ata-anasy men mekeme qyzmetkerleri jaýapqa tartylýy múmkin.
Almaty qalalyq Polıtsııa departamentiniń málimetinshe, aıaýsyz soqqyǵa jyǵylǵan balanyń ata-anasynan polıtsııaǵa aryz tústi.
«3 jastaǵy balanyń ata-anasynyń aryzy boıynsha Jetisý aýdandyq polıtsııa basqarmasy tekserý jumystaryn júrgizdi. Balabaqsha qyzmetkerlerin, sondaı-aq balalardyń ata-analaryn jaýapkershilikke tartý máselesi sheshilýde», - dep habarlady Almaty qalalyq polıtsııa departamentiniń baspasóz qyzmetinen.
Buǵan deıin, áleýmettik jelilerde balabaqshada balalardyń top ishindegi bir búldirshindi jabylyp uryp jatqany týraly vıdeo taraǵany týraly jazǵan bolatynbyz.
