Almaty balabaqshalarynyń 75 mamany shetelderde halyqaralyq taǵylymdamadan ótti
ALMATY. KAZINFORM – Almatylyq balabaqsha tárbıeshileri Sıngapýr, Qytaı jáne birneshe elde taǵylymdamadan ótti.
2023-2024 jyldary 75 úzdik jetekshi men ádisker Sıngapýr, Ulybrıtanııa, Qytaı, Malaızııa, Polsha jáne Germanııanyń aldyńǵy qatarly bilim berý mekemeleriniń zamanaýı tehnologııalarymen tanysyp, ózara pikir almasty.
– Taǵylymdama barysynda qatysýshylar shetelderdiń mektepke deıingi bilim berý erekshelikterimen tanysyp, balalardy oqytý men tárbıeleýdiń zamanaýı jáne dástúrli ádisterin, tehnologııalaryn, sondaı-aq maman daıarlaý jáne mektepke deıingi bilim sapasyn arttyrý máselelerin zerttedi, - dep habarlady qalalyq ákimdikten.
Biliktilikti arttyrý kýrstarynyń baǵdarlamasy otandyq qana emes, sonymen qatar sheteldik mektepke deıingi bilim berý salasynyń sarapshylaryn da tartýdy kózdedi.
Aıta keteıik, Almatyda mektepke deıingi uıym mamandarynyń biliktiligin arttyrý jobasy 2023 jyly bastaldy.
Baǵdarlama pedagogterdiń kásibı daǵdysyn damytý arqyly bilim berý júıesin jańǵyrtýǵa baǵyttalǵan. Bul qalanyń mektepke deıingi bilim sapasyn arttyryp, balalardyń jan-jaqty damýy úshin qolaıly jaǵdaı jasaýǵa múmkindik beredi.
Osyǵan deıin 2025 jyly balabaqshalardyń bári vaýcherlik qarjylandyrýǵa kóshe bastaıtynyn jazǵan edik.