Almaty baǵynda Qyzyl kitapqa engen ósimdik otyrǵyzyldy
ALMATY. KAZINFORM – Almatynyń Bas botanıkalyq baǵynda elimizdiń Qyzyl kitabyna engizilgen sırek ósimdik – altaı sibirııasy otyrǵyzyldy.
Baq mamandarynyń aıtýynsha, bul ósimdik Botanıka jáne fıtoıntrodýktsııa ınstıtýtynyń dendrologııa zerthanasyda kishkentaı tuqymnan ósirilgen. Endi ol botanıkalyq baqtyń ashyq topyraǵynda ári qaraı ósetin bolady.
— Qazaqstanda altaı sibirııasynyń tabıǵı taralý aımaǵy negizinen Altaı óńirimen baılanysty. Elimizden tys jerlerde ol Altaı aımaǵynyń irgeles aýmaqtarynda kezdesedi. Bul — tabıǵı ósý ortalaryndaǵy sany azaıyp bara jatqan sırek túr, — dep túsindirdi botanıkalyq baqtan.
Sondaı-aq Qyzyl kitapqa engizilgen ósimdikterdi tuqymnan ósirý — dendrologııa zerthanasy jumysynyń mańyzdy baǵyttarynyń biri ekeni atap ótildi. Bul jumys otyrǵyzylatyn ósimdikterdi alýǵa, ǵylymı kollektsııalardy tolyqtyrýǵa, sondaı-aq sırek túrlerdiń mádenı ortadaǵy ósý jáne beıimdelý erekshelikterin zertteýge múmkindik beredi.
Eske salaıyq, buǵan deıin Almatyda erekshe alqyzyl aǵash turǵyndar qyzyǵýshylyǵyn týdyrdy.
Sondaı-aq 15 qazannan bastap Almatynyń Bas botanıkalyq baǵy qysqy jumys kestesine aýysty.
