Almaty azamattardy tirkeý úshin turǵyn úı kólemi standartyn belgiledi
ALMATY. KAZINFORM - Almatyda máslıhat sessııasynda turǵylyqty jeri jáne ýaqytsha bolatyn jeri boıynsha tirkeýdiń jańa normatıvi bekitildi.
Almaty Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasovtyń aıtýynsha, bir adamdy tirkeý úshin turǵyn úıdiń jalpy alańy keminde 15 sharshy metr bolýy qajet.
Tıisti jobany depýtattar qoldady.
Alaıda bul ár adamǵa jeke-jeke 15 sharshy metr turǵyn úı berilýge tıis degendi bildirmeıdi. Bul tek tirkeý kezinde qoldanylatyn eseptik normatıv.
Sondaı-aq úı ıesiniń otbasy músheleri men jaqyn týystaryna qatysty shekteý joq. ıAǵnı, jubaıyn, balalaryn jáne olardyń otbasy múshelerin, jaqyn týystaryn, sondaı-aq asyraýyndaǵy, qamqorshylyqtaǵy nemese qorǵanshylyqtaǵy adamdardy belgilengen shekten assa da, tirkeýge bolady.
- Jańa normatıv tirkeý esebin retke keltirip, ár aýdanda naqty qansha adamnyń turatynyn dálirek anyqtaýǵa múmkindik beredi. Bul mektepter, emhanalar, kommýnaldyq qyzmetter jáne basqa da qalalyq ınfraqurylymǵa túsetin júktemeni josparlaý úshin mańyzdy, – dedi Baýyrjan Jaýbasov.
«Almaty qalasynyń erekshe mártebesi týraly» zańǵa engizilgen ózgerister 2026 jyly 14 qyrkúıekte kúshine endi. Sodan soń Almaty máslıhaty mundaı normatıvti belgileý quqyǵyna ıe boldy.
Eske salsaq, jer silkinisinen, sý tasqynynan jáne órtten turǵyn úıdi mindetti saqtandyrý engiziletinin jazǵanbyz.
