Almaty avtobýstary mereke kúnderi qalaı júredi

ALMATY. KAZINFORM — Almaty qalalyq mobıldilik basqarmasy aldaǵy mereke kúnderi megapolıstegi qoǵamdyq kólikterdiń qalaı qatynaıtynyn málimdedi.

Máselen, 1 qańtarda jelige josparlanǵan demalys kúninen jyljymaly quramnyń 50% shyǵady, 2-4 qańtarda qoǵamdyq kólik demalys kúniniń kestesi boıynsha jumys isteıtin bolady.

— Almaty-2 temirjol vokzaly — «Medeý» «Medeý» bıik taýly sport kesheni aparatyn № 12 baǵyt boıynsha, 1-4 qańtar aralyǵynda jelige 20 avtobýs shyǵady. Qoǵamdyq kólik demalys kúngi keste boıynsha jumys isteıtin bolady. № 3 túngi marshrýt ózgerissiz jumys isteıdi, — dep habarlady ákimdikten.

Almaty qalasy metropolıteniniń jumysy demalys kúniniń kestesi boıynsha saǵat 06:20–dan 00:00–ge deıin 12-15 mınýttyq qozǵalys aralyǵymen uıymdastyrylady.

Osyǵan deıin Almatyda qoǵamdyq kólikter merekege saı bezendirilgeni týraly jazǵan edik.