Almaty avtobýstary qysqa daıyn bolmaı shyqty

 Almatyda qoǵamdyq kólikter úzdiksiz qyzmet kórsetý úshin avtoparkterde túngi kezekshilik uıymdastyryldy, dep habarlaıdy Kazinform.

«Buǵan deıin qalalyq mobıldilik basqarmasynyń nusqaýymen qaladaǵy tasymaldaýshy mekemeler kólik quraldaryn qysqy kezeńge daıyndaǵan edi. Alaıda avtobýstardy jolǵa shyǵarý kezinde aýa raıyna baılanysty tehnıkalyq aqaýlar anyqtalyp jatty. Sol sebepti avtobýstardyń bir bóligi qyzmet kórsetýge jaramsyz boldy. Bul rette tasymaldaýshylar tarapynan aqaýdy joıý boıynsha qajetti sharalar qabyldanyp jatyr. Barlyq avtoparkte kezekshilik uıymdastyrylyp, jaýapty qyzmetkerlerdiń jumysy kúsheıtildi. Túnde jelige ýaqtyly shyǵý úshin qozǵaltqyshty birneshe ret jylytý júrgiziledi», — delingen habarlamada.

Aıta ketý kerek, reısterdiń júıeliligine qaladaǵy uzynsonar keptelister de áserin tıgizdi.

Kommýnaldyq qyzmetter qalanyń barlyq aýmaǵynda qar kúreý jáne jol tazalaý jumysyn qarqyndy júrgizip jatyr. 

Sınoptıkterdiń aıtýynsha, bir kúnde jaýyn-shashynnyń aılyq mólsheriniń 28%-y túsken.

Búginde Almatyda 176 turaqty qalalyq jáne qala mańy marshrýty bar.

Bas-aıaǵy 2297 avtobýs pen trolleıbýs qyzmet kórsetedi.

Marshrýttarǵa «Almatyelektrotrans» JShS 23 jeke jáne 1 kommýnaldyq avtobýs parki qyzmet kórsetedi.

Almaty ákimdigi taratqan málimetke sáıkes, aýa temperatýrasynyń kúrt tómendeýi men 12 jeltoqsanda jaýǵan qalyń qarǵa qaramastan qoǵamdyq kóliktiń shyǵýy — 91 paıyz jáne úzilissiz jumys istep jatyr.