Almaty áýejaıynyń jańa termınaly sý astynda qaldy

ALMATY. KAZINFORM – Almatyda tolassyz jaýǵan jańbyr saldarynan jańa áýejaı termınalyn sý basty.

«Bıiktiktiń aıyrmashylyǵyna baılanysty eski jáne jańa termınal arasynda jańbyr sýy jınalyp qaldy. Saldarynan halyqaralyq reısterdiń kelý zalyn sý basty. Bul máseleni sheshý úshin áýejaıdyń barlyq qajetti qyzmeti jumyldyryldy. Qazirgi ýaqytta tehnıkalyq mamandar nóser aǵyndaryn tazartý jumystaryn júrgizýde», - dep habarlady Almaty halyqaralyq áýejaı baspasóz qyzmeti.

Áýejaı ókilderi halyqaralyq reısterdiń ushyp shyǵý aımaǵynda reısterge ádettegideı qyzmet kórsetiletinin málim etti. Sondaı-aq ushyp keletin reısterge ýaqtyly qyzmet kórsetý úshin barlyq qajetti shara qabyldanýda.

«Sýdan kelgen barlyq zardap jaqyn arada joıylady. Jolaýshylar men qyzmetkerlerdiń qaýipsizdigi – bizdiń basty mindetimiz. Qolaısyzdyqtar úshin keshirim suraımyz», - delingen habarlamada.