Almaty áýejaıynyń jańa termınaly alǵashqy reısterdi qabyldady

ALMATY. KAZINFORM – Jazdyń birinshi kúni Almaty qalasy áýejaıynyń jańa termınalyalǵashqy reısterdi qabyldady.

«Eır Astana» áýekompanııasynyń London-Almaty baǵyty boıynsha ushqan áýe kemesi tańǵy 8-50-de áýejaıǵa kelip qondy (KS-664 reısi). Áýe kemesinde 94 jolaýshy boldy. Al saǵat 09-50-de alǵashqy bolyp Almaty — Doha baǵyty boıynsha «Eır Astana» áýe kompanııasynyń áýe kemesi ushady (KS-653). Bortta 166 jolaýshy bar.

Áýejaı atynan jańa termınaldyń alǵashqy jolaýshylaryna estelik syılyqtar tabystaldy.

«Almaty qalasy áýejaıynyń jańa termınalynyń qurylysy 2021 jyldyń mamyrynda bastaldy jáne tolyǵymen ınvestıtsııa esebinen júzege asyryldy. Termınaldyń aýmaǵy 53 myń sharshy metrdi quraıdy.

Jańa termınalda 7 teleskopııalyq trap, 50 tirkeý tiregi, 6,2 myń bagajdy óńdeýge arnalǵan 4 lenta qarastyrylǵan», — dep jazdy Kólik mınıstrliginen.

Jańa termınal jylyna 14 mln jolaýshyny ótkizýge qabiletti.

Aldaǵy ýaqytta áýejaıdan 10 elge 15 halyqaralyq marshrýt boıynsha otandyq jáne sheteldik kompanııalar qatynaıdy.