Almaty áýejaıynyń mańynda bir kóshe ýaqytsha jabylady

ALMATY. KAZINFORM — Bul týraly Almaty halyqaralyq áýejaıynyń baspasóz qyzmeti habarlady. 

Almaty áýejaıynyń málimetinshe, 20 mamyr saǵat 22:00–den bastap 21 mamyr saǵat 06:00–ge deıin Ahmetov kóshesinde (№ 1A ǵımaratynan Maılın kóshesine deıingi bóliginde) jol jóndeý jumystarynyń júrgizilýine baılanysty kólik qozǵalysy toqtatylady.

— Ahmetov kóshesi arqyly áýejaıǵa kirý jáne shyǵý múmkin bolmaıdy. Atalǵan jol bóliginde jóndeý jumystary júrgiziledi. Jolaýshylardan ýaqytsha shekteýlerdi eskerip, jol júrý baǵytyn aldyn ala josparlaýdy suraımyz, — dep habarlady áýejaıdan.

Bul ýaqytta áýe aılaǵyna Buqtarma kóshesi arqyly nemese Maılın kóshesi arqyly kirýge bolady.

Eske salaıyq, 1 maýsymda Almatyda jol jóndeý jumysy bastalady.