22:42, 04 Jeltoqsan 2025 | GMT +5
Almaty áýejaıynyń keı kirý-shyǵý joldary 7 kúnge jabylady
ALMATY. KAZINFORM — Almaty halyqaralyq áýejaıy jolaýshylarǵa úndeý jasady.
Áýe aılaǵynyń málimetinshe, 2025 jyldyń 4–11 jeltoqsan aralyǵynda B.Maılın kóshesinen áýejaı aýmaǵyna kiretin negizgi jol bóliginde asfalt tóseý jumystary júrgiziletin bolady.
Osyǵan baılanysty ýaqytsha № 1 kirý jáne № 2 shyǵý joly jabylady. Qalǵan kirý jáne shyǵý joldary qalypty rejımde jumys isteıdi.
— Áýejaıǵa barar jolyńyzda osy aqparatty aldyn ala eskerýińizdi suraımyz. Ýaqytsha qolaısyzdyqtar úshin keshirim ótinemiz, — dep habarlady áýejaıdan.
Eske salaıyq, Almaty áýejaıynyń aýmaǵynan 1 jeltoqsannan bastap eki avtobýs baǵyty júre bastady.