Almaty áýejaıynyń ekinshi qabatyna kólik kirýine ýaqytsha tyıym salyndy
ALMATY. KAZINFORM — Almaty áýejaıynyń ekinshi qabatyndaǵy kólik qozǵalysy birneshe kúnge shekteledi. Bul týraly áýejaıdyń baspasóz qyzmeti habarlady.
Almaty halyqaralyq áýejaıy málimetinshe, 16-21 qyrkúıek aralyǵynda ekinshi qabatqa kóterilýge múmkindik beretin kólikterge arnalǵan pandýstyń keńeıýine baılanysty ekinshi qabatqa shyǵý ýaqytsha jabylady.
Іshki jáne halyqaralyq termınaldarǵa jolaýshylardy túsirý birinshi qabattyń ushyp kelý aımaǵynda oryndalady.
— Jolaýshylardyń áýejaıǵa aldyn ala kelýin suraımyz. Ýaqytsha qolaısyzdyq úshin keshirim suraımyz, — dep habarlady áýejaıdan.
Aıta ketken jón, Almaty qalasynyń týrızm basqarmasy, Almaty halyqaralyq áýejaıy jáne UQK Almaty shekaralyq baqylaý basqarmasynyń uıymdastyrýymen halyqaralyq áýejaı aýmaǵynda qala kúnine oraı «Almatynyń sımvoly — syılyqqa» atty aktsııa ótti.
Pasporttyq baqylaý aımaǵynda halyqaralyq reısterdiń jolaýshylaryna Almatynyń jylýy men qonaqjaılylyǵyn bildiretin «aport» surypty almalar usynyldy.
Aktsııa shamamen 10 myń jolaýshyny jáne 50-den astam reısti qamtydy.
Eske salaıyq, bıyl 1 maýsym kúni Almaty áýejaıynyń jańa termınaly alǵashqy reısterdi qabyldady.
Sondaı-aq Almaty áýejaıyna jańa basshy taǵaıyndaldy.
