Almaty áýejaıynyń birneshe kireberisi ýaqytsha jabyldy

ALMATY. KAZINFORM – Almaty halyqaralyq áýejaıyna aparatyn B.Maılın kóshesindegi eki kireberis jóndeý jumystaryna baılanysty jabyldy. Bul týraly áýejaıdyń baspasóz qyzmeti habarlady.

- 2024 jyldyń 2 tamyzynan bastap áýejaıdyń B.Maılın kóshesinen shyǵatyn negizgi kireberisindegi turaq jabdyqtaryn aýystyrý jumystary bastaldy. №1 jáne №2 kólik kireberisteri (shlagbaýmdar), sondaı-aq №10 jáne №11 shyǵý joldary ýaqytsha jabylady. Jumysty 2024 jyldyń qyrkúıeginde aıaqtaý josparlanǵan. Osyǵan baılanysty jolaýshylardy áýejaıǵa aldyn ala kelýlerin suraımyz. Ýaqytsha qolaısyzdyqtar úshin keshirim suraımyz, - dep habarlaıdy Almaty áýejaıynan.

Eske salaıyq, búgin elge oralǵan Olımpıada chempıondaryn almatylyqtar ystyq yqylaspen qarsy aldy.

Aıta keteıik, buǵan deıin Almaty halyqaralyq áýejaıynyń qazirgi kelbeti qandaı ekenin jazǵanbyz.