Almaty áýejaıynyń basshysy Alp Er Týnga Ersoı qyzmetinen ketti

ALMATY. KAZINFORM – «Almaty halyqaralyq áýejaıy» AQ prezıdenti Alp Er Týnga Ersoı ornyn bosatty.

«Josparlanǵandaı, Alp Er Týnga Ersoı Almaty halyqaralyq áýejaıdyń jańa halyqaralyq termınalynyń qurylysy aıaqtalǵan soń qyzmetinen ketti. Ol saladaǵy mansabyn jańa qyzmette jalǵastyrady», - dep habarlady áýejaıdyń baspasóz qyzmeti.

Basshylyqtyń aýysýy týraly resmı málimdeme 5 maýsymda jarııalanady.

Aıta keteık, birinshi maýsym kúni Almaty áýejaıynyń jańa termınaly alǵashqy reısterdi qabyldaǵan bolatyn. 

Prezıdent Qasym-Jomart Toqaevtyń Almatyǵa jumys sapary barysynda qala áýejaıynyń jańa halyqaralyq termınalyn aralap kórgen edi. 

Ǵımarattyń jalpy aýdany — 53,5 myń sharshy metr, jylyna 14 mıllıon jolaýshyǵa qyzmet kórsete alady.

Eske salaıyq, 2020 jyly Almaty áýejaıy túrik kompanııasyn 415 mıllıon dollarǵa satylǵan edi.