Almaty áýejaıynyń avtoturaǵynda baǵa ózgeredi

ALMATY. KAZINFORM- Almaty halyqaralyq áýejaıy vokzal alańy men jabyq avtoturaq kesheni aýmaǵynda kólik qoıýǵa jańa tarıfter engizbek.

Jańartylǵan tarıf endi mynadaı bolady:

— 15 mınýtqa deıin — tólemsiz, kúnine eki retten kóp emes;
— 15 mınýttan 1 saǵatqa deıin — 500 teńge;
— 1 saǵattan 2 saǵatqa deıin — 700 teńge;
— 2 saǵattan 4 saǵatqa deıin — 1000 teńge;
— 4 saǵattan 6 saǵatqa deıin — 1500 teńge;
— 6 saǵattan 12 saǵatqa deıin — 2400 teńge;
— 12 saǵattan 24 saǵatqa deıin — 3500 teńge;
— 24 saǵattan astam, keıingi tolyq jáne jarty táýlikke — 5 000 teńge;

Al joǵalǵan talondy qalpyna keltirý 500 teńge turady.

«Turaq aýmaǵynda uzaq ýaqytqa qaldyrylǵan kólikterdiń kúndelikti sanynyń artýy negizgi turaq ınfraqurylymyna áser etip jatyr. Biz ońtústik avtoturaqty uzaq jáne qysqa merzimdi paıdalanýǵa usynamyz. Ońtústik avtoturaq aımaǵynda tarıfter ózgerissiz qalady» delingen habarlamada. 

Jańa tarıf 1 aqpannan bastap kúshine enedi.