Almaty áýejaıynyń aýmaǵynan 1 jeltoqsannan bastap eki avtobýs baǵyty júredi

ALMATY. KAZINFORM – Almaty áýejaıynyń aýmaǵyna avtobýs marshrýttary qaıta kire bastaıdy.

Almaty qalasy Kólik holdıngi áýejaıdyń irgeles aýmaǵyndaǵy jol tósemin keńeıtý jónindegi jumystardyń aıaqtalýyna baılanysty 1 jeltoqsannan bastap №92 jáne №3 baǵyttardyń qozǵalysy qaıta qalpyna keltirilgenin habarlady.

Eske salaıyq, áýejaı avtoturaǵynda qurylys jumystaryna baılanysty avtobýstar jolaýshylardy Maılın kóshesine qaldyryp júrdi.

Sondaı-aq Kólik holdınginiń málimetinshe, Beregovoı jáne ıÝ.Kım kósheleriniń qıylysynda avarııalyq ýchaskeni qalpyna keltirý jumystaryna baılanysty №59, №63, №63A, №79 jáne №119 baǵyttarynyń qozǵalys syzbalary ýaqytsha ózgertildi. Jańa syzba 29 qarashadan bastap jóndeý jumystary aıaqtalǵanǵa deıin bolady.

Buǵan deıin Almatyda «Sport saraıy — Medeý sport kesheni» baǵyty boıynsha jańa № 21 avtobýs marshrýty iske qosyldy.