17:22, 14 Tamyz 2025 | GMT +5
Almaty áýejaıyndaǵy joldardyń biri ýaqytsha jabylady
ALMATY. KAZINFORM — «Aqsuńqar» qonaq úıiniń janyndaǵy pandýsqa kirý joly jóndeý jumystaryna baılanysty ýaqytsha jabylady.
Almaty áýejaıynyń málimetinshe, jóndeý jumystary aıasynda gıdrooqshaýlaýdy jaqsartý, jylytý júıesin jańǵyrtý jáne jańa asfalt tóseý jumystary júrgiziledi.
— Jóndeý kezeńinde eski pandýsqa kóterilý joly jańa pandýsqa aýysady. Týyndaǵan ýaqytsha qolaısyzdyqtar úshin keshirim suraımyz, — dep habarlady áýe aılaǵy.
Eske salaıyq, buǵan deıin Almaty halyqaralyq áýejaıyn basqarýshy TAV Airports kompanııasy áýe aılaǵyn 2050 jylǵa deıin damytýdyń bas josparyn tanystyrdy.
Ol boıynsha 2025-2028 jyldar aralyǵynda áýejaı ınfraqurylymyna 362 mln AQSh dollary jumsalmaq. Barlyǵy 130 joba iske asyrylady.