Almaty áýejaıyndaǵy jaǵdaı: polıtsııa qyzmettik tekserýdi bastady

ALMATY. KAZINFORM — Kóliktegi polıtsııa departamenti Almaty áýejaıynda qyzdy kepilge alǵan er adamdy ustaýǵa qatysqan qyzmetkerler boıynsha túsinik berdi.

— Polıtsııa qyzmetkerleri Almaty áýejaıynyń ókilderimen birge oqıǵa ornyndaǵy jaǵdaıdy jedel sheshti. Shabýyl jasaǵan er adam qyzmetkerge agressııa kórsetkenin eskere otyryp, olar áýejaı termınalynda azamattardyń qaýipsizdigin qamtamasyz etý úshin arnaıy algorıtmge sáıkes áreket etti, — dep habarlady Kóliktegi ІІD baspasóz qyzmeti.

Dese de, Kóliktegi polıtsııa departamenti atalǵan derek boıynsha qyzmettik tekseris júrgizip jatyr. Onyń nátıjelerine sáıkes, quqyqtyq baǵa beriletin bolady.

Eske salaıyq, 7 naýryz kúni Almaty áýejaıynda er adam qyzdy kepilge alyp, kópshilik aldynda pyshaq kezengenin jazǵanbyz.

Musa Ábdiraıym kúdiktige ózin kepilge usynyp, qyzmetkerdiń ornyna turǵan. Er adam tártip saqshylarymen kelissózge alańdaǵan tusta ol kúdiktiniń qolyndaǵy pyshaqty julyp aldy.

Memleket basshysynyń Jarlyǵymen qıyn-qystaý jaǵdaıda kórsetken erligi men janqııarlyǵy úshin Musa Saıranbaıuly Ábdiraıym «Erligi úshin» medalimen nagradtaldy.

Keıin ol Búkilálemdik boks keńesiniń beıbitshilik elshisi boldy. 

Memleket basshysynyń tapsyrmasymen Almaty ákimi áýejaı qyzmetkerin qutqarǵan azamatty marapattady.