Almaty áýejaıyndaǵy oqıǵadan keıin tekseris júrgiziledi
ASTANA. KAZINFORM — Almaty halyqaralyq áýejaıynyń aýmaǵynda bolǵan oqıǵaǵa qatysty buqaralyq aqparat quraldarynda jarııalanǵan málimetterden keıin Almatynyń Qala qurylysyn baqylaý basqarmasy jospardan tys tekserý júrgizetin boldy.
Almaty qalasy ákimdigi baspasóz qyzmetiniń málimetinshe, aldyn ala aqparatqa sáıkes, 11 maýsym kúni qurylys jumystary kezinde qurylys qurylymdary, atap aıtqanda qubyrlar qulaǵan. Oqıǵa áýejaı aýmaǵyndaǵy qurylys alańynda bolǵan.
— Qazirgi tańda basqarma oqıǵanyń mán-jaıyn anyqtap, qajetti materıaldardy jınaqtap jatyr. Keıin olar jospardan tys tekserýdi tirkeý úshin prokýratýra organdaryna joldanady. Jospardan tys tekserý barysynda qurylys normalarynyń saqtalýy, sondaı-aq qurylys-montaj jumystarynyń uıymdastyrylýy zań talaptaryna sáıkestigi turǵysynan baǵalanady. Eger zańnama talaptarynyń buzylǵany anyqtalsa, jaýapty tulǵalarǵa qatysty qoldanystaǵy zań aıasynda tıisti sharalar qabyldanady, — delingen vedomstvo habarlamasynda.
Buǵan deıin Almaty qalasynyń áýejaıynda oqys oqıǵa bolyp, vıdeosy áleýmettik jelide taralǵanyn jazǵanbyz.
