Almaty áýejaıynda júrgizýshi polıtsııa qyzmetkerin kóligimen súıredi

ALMATY. KAZINFORM – Oqıǵanyń beınejazbasy áleýmettik jelide tarady.

Qalalyq polıtsııa departamentiniń málimetinshe, polıtsııa qyzmetkeri Almaty áýejaıynda jol erejesin buzǵan kólikti toqtatqan. Júrgizýshi zańdy talaptardy oryndamaı, qujattardy kórsetýden bas tartyp, qashýǵa árekettengen. Inspektor avtokóliktiń qozǵalysyn toqtatpaq bolǵan, alaıda kólik ony birneshe metrge súırep ketken.

- Bul derek boıynsha Qazaqstan Respýblıkasynyń zańnamasyna sáıkes sharalar qabyldandy: jol júrý erejesin buzǵany jáne polıtsııa qyzmetkeriniń zańdy talaptaryna baǵynbaǵany úshin júrgizýshi ákimshilik jaýapkershilikke tartyldy.

Sot qaýlysymen oǵan 30 AEK kóleminde ákimshilik aıyppul salyndy, - dep habarlady departamentten.

Eske salaıyq, buǵan deıin Almatyda moped urlaǵan kúdikti polıtsııa qyzmetkerin jolda súırep ketkenin jazǵanbyz.