Almaty áýejaıynda jumysshy qaza bolýyna baılanysty is qozǵaldy
ALMATY. KAZINFORM – Almaty áýejaıynda jumysshy qaza boldy.
Jelide taraǵan aqparatty Kóliktegi polıtsııa departamenti rastady. Qazirgi ýaqytta Almaty áýejaıynda adam ólimine ákep soqqan eńbekti qorǵaý qaǵıdalaryn buzý deregi boıynsha qylmystyq is qozǵalǵan.
- Qazirgi ýaqytta oqıǵanyń mán-jaıyn jan-jaqty ári obektıvti anyqtaýǵa baǵyttalǵan qajetti tergeý áreketteri júrgizilip jatyr. Tergeý múddesine baılanysty ózge aqparat jarııa etýge jatpaıdy, - dep habarlady departamentten.
Atalǵan jaǵdaıǵa baılanysty Almaty halyqaralyq áýejaıynyń baspasóz qyzmetine de saýal joldadyq. Jaýap alynǵan soń, aqparat tolyqtyrylady.
Eske salaıyq, buǵan deıin BQO-da qurylys alańynda kran qulap, er adam mert boldy.
