Almaty áýejaıynda jolaýshy ózine qol saldy

ALMATY. KAZINFORM – Bul týraly Almaty halyqaralyq áýejaıynyń baspasóz qyzmeti habarlady.

Áýe aılaǵynyń málimetinshe, T1 ishki reıster termınalynyń dárethanasynda jolaýshy ózine dene jaraqatyn salýǵa áreket jasady. Áýejaı qyzmetkerleri jaǵdaıdy der kezinde baıqap, shuǵyl túrde medıtsınalyq qyzmetti shaqyrǵan.

- Jedel járdem brıgadasy kelgenge deıin jolaýshyǵa alǵashqy medıtsınalyq kómek kórsetildi. Qazirgi ýaqytta onyń ómirine qaýip tónip turǵan joq, ol dárigerlerdiń baqylaýynda. Áýejaı shtattyq rejımde jumysyn jalǵastyryp jatyr, - dep habarlady áýejaı.

Eske salaıyq, birneshe kún buryn Almaty áýejaıynda er adam ózin órtemek boldy.

Al bıyl naýryz aıynda Almaty áýejaıynda er adam qyzdy kepilge alyp, kópshilik aldynda pyshaq kezengen bolatyn.