Almaty áýejaıynda jolaýshy qyzmetkerdiń shashynan tartyp, kópshilik aldynda pyshaq kezendi
ALMATY. KAZINFORM — Áleýmettik jelide Almaty áýejaıynda bolǵan oqys oqıǵanyń beınejazbasy tarady.
Almaty halyqaralyq áýejaıynyń málimetinshe, oqıǵa búgin 11:45–te bolǵan. Іshki reıster termınalynda er adam jolaýshy retinde ushý aldyndaǵy tekserý aımaǵyna barǵan. Avıatsııalyq qaýipsizdik qyzmetkerleri er adamnan qujattardy kórsetýdi suraǵan, al ol áýejaı qyzmetkerin shashynan ustap, pyshaqpen qorqytqan.
— 7 mınýttan keıin er adamdy áýejaı aýmaǵyndaǵy polıtsııanyń jelilik bóliminiń qyzmetkerleri ustady. Qazirgi ýaqytta er adam polıtsııanyń jelilik bóliminde jáne bul oqıǵamen quqyq qorǵaý organdarynyń qyzmetkerleri aınalysyp jatyr, — dep habarlady áýejaıdan.
Buǵan deıin Almaty áýejaıynda túkirgen sheteldikke aıyppul salynyp, reısten túsirilgenin jazǵanbyz.