Almaty áýejaıynda jasóspirim sómkede jarylǵysh zat baryn habarlady

ALMATY. KAZINFORM — Jasóspirimniń «bomba» týraly qaljyny reısitiń keshigip ushýyna ákeldi.

Almaty qalalyq terrorızmge qarsy kúres jónindegi jedel shtaby, áýejaıda, ásirese ushý aldyndaǵy is-áreketter jáne ushaqqa otyrǵyzý kezinde orynsyz málimdemeler men «ázilderge» jol berilmeıtinin azamattardyń esine salady.

— Almaty halyqaralyq áýejaıynda jasóspirim dosynyń sómkesinde jarylǵysh zat bar ekenin aıtyp ázildegen. Nátıjesinde áýe kemesi men barlyq jolaýshyny tekserý jospary kúshine enip, reıs keshigip, ushýǵa ýaqytsha shekteýler qoıyldy, — dep habarlady Almaty qalalyq terrorızmge qarsy kúres jónindegi jedel shtabynan.

Shtab ókilderi mundaı málimdemeler, tipti ázil-qaljyńmen aıtylǵan bolsa da, qaýipsizdikke áleýetti qater retinde qabyldanady. 

— Azamattardy tekserý aımaǵynda jáne áýe kemesiniń bortynda qaýip-qaterge, qarý-jaraqqa, jarylǵysh qurylǵylarǵa jáne basqa da yqtımal qaýipti taqyryptarǵa qatysty sózder men sóz tirkesterin qoldanýǵa jaýapkershilikpen qaraýdy suraımyz, — dep atap ótti vedomstvodan.

Osyǵan deıin FlyArystan jolaýshysy bortserikke qol jumsap, ushaqta bomba baryn aıtqan bolatyn.