Almaty áýejaıynda janýarlarǵa arnalǵan aımaq ashyldy
ALMATY. KAZINFORM – Almaty halyqaralyq áýejaıynda úı janýarlaryna arnalǵan arnaıy aımaq - Pet Zone ashyldy.
Jańa servıs ushar aldynda jolaýshylar men olardyń úı janýarlaryna qolaıly ortany qamtamasyz etý úshin jasalǵan. Pet Zone halyqaralyq termınalda ornalasqan. Onda janýarlarǵa arnalǵan demalys jáne jem-shóp berý aımaǵy, sý dıspenseri bar.
- Pet Zone engizý jolaýshylarǵa jáne olardyń úı janýarlaryna qamqorlyq jasaýdyń halyqaralyq standarttaryna sáıkes keledi, - dep habarlady áýejaıdan.
Eske salaıyq, buǵan deıin Almaty áýejaıynyń eski jáne jańa termınaly arasynda kópir ashylǵanyn jazǵanbyz. Buǵan deıin eki termınal arasynda tikeleı baılanys bolmaǵan edi. Eski ne jańa termınaldan ekinshisine barý úshin ǵımarattyń syrtyna shyǵyp, jaıaý júrý qajet bolatyn.
