Almaty áýejaıynda janarmaı tasıtyn kólik Lufthansa ushaǵymen soqtyǵysty
ALMATY. KAZINFORM — 2025 jylǵy 13 qazanda shamamen 01:25–te Almaty áýejaıynda janarmaı quıý kóligi Lufthansa áýe kompanııasynyń Airbus A340 ushaǵymen (LH648 reısi, Almaty — Astana baǵyty) soqtyǵysty.
Oqıǵa ushaqqa janarmaı quıý aıaqtalǵannan keıin, kólik turaqtan shyqqan sátte bolǵan.
Injenerlik qyzmet dereý tekseris júrgizip, qozǵaltqysh kapotynda usaq betki syzattardy anyqtaǵan.
Qajetti tehnıkalyq sharalardan soń áýe kemesine ushýǵa ruqsat berildi.
Qazir áýejaıdyń ushý qaýipsizdigi departamenti oqıǵa boıynsha jan-jaqty tergeý júrgizip jatyr.
— Jolaýshylar men ekıpajǵa keltirilgen qolaısyzdyqtar úshin keshirim suraımyz. Áýejaıdaǵy qaýipsizdik — bizdiń basty basymdyqtarymyzdyń biri, — delingen Almaty áýejaıynyń baspasóz qyzmeti taratqan habarlamada.
Eske salaıyq, buǵan deıin Qostanaı áýejaıynda áýege kóterilgen ushaqtyń shassı dóńgelegi órtengenin jazǵanbyz.