Almaty áýejaıynda jańa avtoturaq paıda boldy
Almaty halyqaralyq áýejaıynda 140 orynǵa eseptelgen jańa avtoturaq ashyldy, dep habarlaıdy QazAqparat tilshisi.
Almaty halyqaralyq áýejaıdyń korporatıvtik kommýnıkatsııalar departamentiniń málimeti boıynsha, 140 orynǵa eseptelgen jańa avtoturaq ońtústik VIP termınalynyń vokzal aımaǵynda ornalasqan. Qyrkúıek aıynyń sońyna qaraı taǵy birneshe orynǵa avtoturaq ashylady.
Buǵan deıin áýejaı basshylyǵy 250 oryndyq qosymsha avtoturaq ornatý týraly sheshim qabyldaǵany týraly jazǵan bolatynbyz.
Qyrkúıek aıynyń basynda áýejaıdyń ekinshi qabatyna kóterilýine múmkindik beretin kólikterge arnalǵan pandýs ashylǵan edi.
Qazir aýmaǵy 55 myń sharshy metr bolatyn halyqaralyq áýejaıdyń jańa termınalynyń qurylysy qarqyndy júrip jatyr. Ol 2024 jyldyń maýsym aıynda aıaqtalady dep josparlanǵan. Búgingi tańda jumystyń 65 paıyzdan astamy oryndaldy.