Almaty áýejaıynda jalǵan qujatpen ótpek bolǵan úsh sheteldik ustaldy
ASTANA. KAZINFORM – 15-16 qańtarda Almaty qalasynyń halyqaralyq áýejaıynda shekaralyq baqylaýdy júzege asyrý kezinde Frantsııa men Gretsııanyń jalǵan qujattaryn usynǵan 3 sheteldik ustaldy.
Ulttyq qaýipsizdik komıtetiniń málimetinshe, arnaıy tehnıkalyq quraldardy qoldana otyryp júrgizilgen qosymsha tekserý qujattardyń jaramsyzdyǵyn rastady.
«Jalǵan tólqujattar alyndy. Eki adamǵa qatysty sotqa deıingi tergep-tekserý bastaldy, bir sheteldik azamat deportatsııalandy», — dep jazdy vedomstvodan.
2024 jyldyń basynan Memlekettik shekara arqyly ótkizý pýnktterinde shekarashylar jaramsyz jáne bóten tólqujattardy qoldanýdyń 18 faktisiniń jolyn kesti.
UQK Shekara qyzmeti jalǵan qujattardy qoldanyp, shekarany buzǵany úshin qylmystyq jaýapkershilikke tartý qarastyrylǵanyn habarlaıdy.
