Almaty áýejaıynda túkirgen sheteldikke aıyppul salynyp, reısten túsirildi

ALMATY. KAZINFORM - Almaty áýejaıyndaǵy jelilik polıtsııa bóliminiń qyzmetkerleri Almaty–Shymkent reısimen ushpaqshy bolǵan jolaýshyny ustady. 

Kóliktegi polıtsııa departamentiniń málimetinshe, tártip saqshylary tekserý barysynda jolaýshy 34 jastaǵy Qytaı azamaty ekenin anyqtaǵan. 

- Ol reıske otyrǵyzý kezinde kútý zalynda, ıaǵnı qoǵamdyq jerde túkirip, aınalasyndaǵy azamattarǵa qurmetsizdik tanytyp, jalpy qoǵamdyq oryndy lastaǵan. Quqyqbuzýshy 5 AEK (19 660 teńge) kóleminde aıyppul arqalap, reısten túsirildi, - dep habarlady departamentten. 

Eske salaıyq, buǵan deıin Zaısan, Katonqaraǵaı jáne Kendirli kýrorttyq aımaqtarynda áýejaı qurylysy bastalǵanyn jazǵanbyz.