Almaty áýejaıynda reıster keshigip jatyr

ALMATY. KAZINFORM – Almaty áýejaıynda aýa raıynyń qolaısyzdyǵyna baılanysty birqatar reıs keshigip jatyr. 

Almaty halyqaralyq áýejaıynda búgin, 14 naýryzda, kún raıynyń qolaısyzdyǵyna baılanysty reıster keshigip jatyr.

Bul aqparat áýejaıdyń onlaın taqtasynda jarııalandy. Almatydan Shymkentke, Astanaǵa, Aqtaýǵa, Atyraýǵa, Qaraǵandyǵa, Úrimshige, Beıjińge, Delıge ushatyn reıster keshigedi.

Sondaı-aq Astana, Shymkent, Taraz jáne Úrimjiden keletin reıster keıinge qaldy.

Almaty halyqaralyq áýejaıynyń baspasóz qyzmetiniń málimetinshe, aýa raıynyń qolaısyzdyǵyna baılanysty kóktaıǵaqqa qarsy óńdeý jumystaryn júrgizý ýaqytsha múmkin emes.

Aýa raıy jaqsarǵansha Almatydan ushatyn reıster toqtatyldy.

Sondaı-aq, jergilikti ýaqyt boıynsha saǵat 19.00-den bastap Almaty áýejaıy ushaqtardy qabyldamaıdy. Ushyp keletin reıster úshin jabyq.

Almaty halyqaralyq áýejaıy kún raıy jaqsara salysymen jumysyn jalǵastyrady.