Almaty áýejaıynda reıster keshigip jatyr

ALMATY. KAZINFORM – Almaty áýejaıynda kesheden beri aýa raıynyń qolaısyzdyǵyna baılanysty birqatar reıs keshigip jatyr.

Almaty halyqaralyq áýejaıy baspasóz qyzmetiniń málimetinshe, jaǵdaı turaqtalǵannan keıin áýe kemelerine kóktaıǵaqqa qarsy kezekpen qyzmet kórsetýdi jandandyrdy.

Jumysqa barlyq arnaıy tehnıka men kúsheıtilgen aýysymdyq jeke quram jumyldyryldy.

«Birinshi kezekpen keshiktirilgen reısterge qyzmet kórsetilgendikten, ushyp kelgen ushaqtar turaq oryndarynyń bosaǵanyn kútip turdy. Sondaı-aq, jumysqa barlyq jolaýshylar baspaldaqtary iske qosylǵan. Baspaldaqtardyń jetispeýshiligi týraly aqparat shyndyqqa janaspaıdy»,-dep habarlady áýejaıdyń baspasóz qyzmetinen.