Almaty áýejaıynda reıster keshigip jatyr

ALMATY. KAZINFORM – Almaty halyqaralyq áýejaıy qolaısyz aýa raıyna baılanysty (jańbyr, daýyl, 30 m/s deıin ekpindi jel) reısterdiń keshigip jatqanyn habarlady.

«Áýejaıdyń barlyq qyzmetteri 24/7 kúsheıtilgen rejımde jumys isteýde. Túsinistikpen qaraýlaryńyzdy suraımyz», - dep habarlady áýejaıdyń baspasóz qyzmeti.

Eske salaıyq, Almatyda keshki ýaqytta jel kúsheıip, shańdy daýyl turdy. Saldarynan qalada shań men qumdy kóterdi. Daýyldyń arty jańbyrǵa ulasty. 

Sondaı-aq buǵan deıin aýa raıynyń qolaısyzdyǵyna baılanysty Almaty áýejaıynda birneshe kún qatarynan reısterdiń keshikkenin habarlaǵanbyz.