Almaty áýejaıynda reıster keshigip jatyr
ALMATY. KAZINFORM — Almaty halyqaralyq áýejaıynda qolaısyz aýa raıy saldarynan ushý kestesi buzylyp jatyr. Olardyń kóbi ushyp keletin reıster.
Onlaın-tablodaǵy derekterden ishki jáne halyqaralyq baǵyttar boıynsha keıbir reıster keshigip jatqanyn kórýge bolady. Mysaly, Novosıbırsk, Astana jáne Aqtaý baǵyttary boıynsha ushý keıinge shegerilse, Novosıbırsk, Astana, Óskemen, Tashkent, Qaraǵandy, Semeı, Aqtóbe, Oral, Delı, Fýkýok, Sharm-el-Sheıh jáne Dýbaıdan keletin reıster de keshigip jatyr.
Eske salaıyq, Almatyda 2025 jylǵy 4 qarasha kúni keshke alǵashqy qar jaýdy.
Qalalyq kommýnaldyq qyzmetter kúsheıtilgen rejımde jumys istep jatyr: kóshelerdiń tazalyǵy men qaýipsizdigin qamtamasyz etý úshin 918 arnaıy tehnıka men 2 550 jol jumysshysy jumyldyrylǵan.
Keıbir aýdandarda jańbyr men qardan elektr qýaty óship qaldy.